【好友相聚】歡樂暢食PizzaHut

12 APRIL 2017(WED)

自小小豬升上小一之後，我都好少出夜街，因為每日又要煮午餐又要接送都真係幾攰，有時間都想留係屋企休息，所以就連同朋友仔去食飯局機會都少左。不過間唔中都真係要出去抖下，充下電先可以繼續努力，所以今日就相約好友們嚟歡樂暢食PizzaHut~

 

嚟到就緊係先叫杯飲杯先，三杯特式飲品都唔錯呀~

 

PizzaHut最新推出左巴馬臣芝士焗龍蝦，原隻龍蝦之後就將龍蝦肉拆出，再混合埋磨菇和芝士，然後放返入蝦殻裡，再釀滿白汁同巴馬臣芝士焗熟，三重口感真係勁正，我地在場幾位朋友都一致大讚，龍蝦迷一定唔可以錯過~

 

 唔係講笑真係啖啖肉呀~

 

依個慢烤徳國豬手我上次都有食過，忟得非常入味，而且又軟腍腍又多汁，真係可以話係入口即溶，好味嘢就當然要同好友分享啦~

 

哈哈哈...幾位好友都讚好食，我都冇介紹錯呀~

 

嚟PizzaHut又點少得Pizza呢，我地叫左今期推出嘅兩款雙脆星芝批，先嚟一個以雞肉及肉腸做主角嘅香烤之星~ 

 

另一個就係以海鮮為主題嘅海洋之星~

 

兩款PIZZA都係以全人手打造，配以新鮮車打芝士碎及巴馬臣芝士，所以特別"芝"呀~

 

星旦批邊切開一份份，真係有點似心心，幾得意哦~

 

千其唔可以錯過倨星星批邊，因為包住原粒芝士腸，入口真係勁滿足呀~

 

我一返屋企就俾小小豬審問我食日食左啲乜，一聽到我話食左星星PIZZA佢就話又要去食，都好呀.....因為我都好掛住隻大大龍蝦，小小豬已經計劃左母親節時請我再去食(不過....都應該唔係佢俾錢啦...哈哈哈)，希望佢真係記得同我慶祝嘅活動啦！