就來又聖誕節，謝謝朋友送來我家的大禮物，實不相瞞我恨左擁有一部蒸焗爐好耐，今次收到CRISTAL嘅蒸焗爐，我嘅開心程度絕對係爆燈呀~
一直想擁有一個蒸焗爐，係因為一机多用可以纯蒸、純焗、蒸+焗,
又慳位。我鍾意整下曲奇、蛋糕依啲焗嘅食品，雖然屋企光波爐都可以做到，不過始終控制火喉上都唔係咁好。加上我部光波爐都係細SIZE，好多時都要開幾次爐先夠焗，唔多唔少都幾唔節省能源，所以就好想入手一部蒸焗爐，可以一次過滿足我晒我嘅要求。不過由於屋企地方有限，加上原有的又仍然可以運作，所以一直都只得個恨字。終於可以趁今次試用機會，等我有藉口擁有了。
Cristal係一個意大利品牌，佢地都有好多唔同大小嘅家用電器，依個蒸焗爐就係佢地其中一個重點產品啦~
蒸焗爐其實就係集蒸和焗於一身，纯蒸煮食可以按食材來選擇不同的蒸氣和溫度，Keep住食材的水分和營養，蒸焗出Juicy好味道。而且利用蒸氣加熱原理，當中沒有無微波功能，所以煮食過程就係更加健康呀！
跟機有食物盤、接油盤及網架，以用作唔同烹煮所需~
另外仲附有隔熱手套、清洗用嘅吸水海綿及食譜，好貼心呢~
機身容量都好大，可以將食物分3層蒸煮，省時又方便。而且內膽為不銹鋼，清潔都非常方便呢~
以蒸氣加熱原理，當中水當然是非常重要，所以有特大嘅水箱盛裝用嚟產生蒸氣嘅水~
只要烹調前將水注滿至最大刻度處，就可以開始使用蒸氣爐了~
內有15款預設烹調模式，功能包括普通蒸氣、燒烤、熱風對流、高溫蒸焗、預約時間煮食、殺菌、解凍及保溫。普通蒸氣最高溫度為110C，燒烤為200C，真係可以話焗、烘、烤、蒸、炆、燉樣樣皆能。獨有高級熱風對流系統，多功能烤焗對風對流，上下低火兼容，且溫度平均，有效鎖住食物肉汁，輕鬆做出外脆內軟的效果。而噴注式蒸氣設計可以連續蒸煮，更無需加水；加上噴注式蒸氣設計，避免食物表面被水沾濕而影響口感~
有個新爐就當然要即刻開工，所以就整我想食好耐嘅泰式焗烏頭啦(因為之前個光波爐太細了，放唔到條魚入去...哈哈哈)！
材料有烏頭1條、香茅2條、青檸2個、錫紙1張~
先將半個青檸揸汁~
然後加入各兩茶匙嘅生抽、魚露、麻油、雞粉、鹽、胡椒粉及香茅碎~
烏頭洗淨後加入醃料醃最少30分鐘~
餘下的青檸切片及香茅切段~
於錫紙上放一半的青檸片及香茅段~
再將醃好的烏頭放上，然後放上餘下的青檸片及香茅段~
將錫紙包好放入焗爐~
由於係輕觸式旋鈕控制，所以小小豬都可以幫手呀(當然我有係旁邊睇住佢啦)~
用200C焗25分鐘~
食得啦...雖然我用燒烤功能，不過個效果又真係唔錯，帶有少少烤嘅味道，但魚肉都冇烤到乾乾的，仲非常Juicy呀~
可能有朋友仔都會擔心佢嘅輕觸式旋鈕控制，咁不小心嘅大小朋友咪好易開著部機？咁又唔洗驚，因為佢地有童鎖功能，只要按住"確定"3秒，就會開啟童鎖，就唔洗驚大小朋友會唔小心啦~
依家有左依個新玩具，我又可以整多啲唔同種類嘅餸菜，既可以滿足我家兩位老細，又可以提升我BB班嗁廚藝，所以都真係要密密用先得呀！
More information :
Website：www.gtgroup.com.hk
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言