今日上網見朋友介紹,話白飯魚係好有營養嘅食物,嘅然咁有營養,所以就即刻上網搵食譜, 所以就小試牛刀簡單整依一個白飯魚蒸肉餅呀~
白飯魚有助增加吸收鈣質,而且又好似冇乜骨,可以整條食。有營養又唔怕骨,所以就好放心俾小朋友食啦!
話明係簡易餸,就緊係好簡單,難嘅餸我又點會煮。材料超簡單,碎豬肉約$15、白飯魚約$15、蔥、姜少少~
先用生粉1茶匙、黃糖1茶匙、老抽少少及水將豬肉醃最少15分鐘~
感覺上白飯魚就好似冇乜味,加埋入肉餅就好似幾夾味,而且食又方便啲,最好就係平靚正,所以多啲煮嚟食先得!
沒有留言:
發佈留言