謝謝The Spaghetti House邀請，今個下午有機會優先試食今季限定推出嘅「極致黃金芝士火 鍋」，對於我依個芝士控嚟講即刻心心眼，大飽口福之餘仲可以為平日忙碌生活充充電，真係十級興奮呀~
由10月18日起，意粉屋將會推出季節限定 – 黃金「芝」鍋，分別以「經典黃金芝士火鍋」、「特級黃金芝士火鍋」 及「極致黃金芝士火鍋」三款芝士火鍋，呈獻升級「芝」味。
今次仲請到國際名廚Stanley Wong設計菜式，製造誘人的「芝」味驚喜，所以今日就由Stanley為我地講解芝士火鍋最佳配搭食法~
黃金「芝」鍋最大重點就一定係芝士，今年意粉屋總共以四款經典芝士為火鍋汁的基礎，除左意大利Mozzarella、Parmesan及瑞士Emmental芝士，今次特別加入了產自法國汝拉山脈24
個月熟成康堤芝士，將芝味層次提升到新高度~
我都有即場食過依個24個月康堤芝士，佢個味道又真係比其他芝士有啲唔同，帶有點點嘅海鹽鮮味，而且有又好濃郁奶香，最重要係入口一啲都唔膩呀~
之後Stanley就教我地利用「幻彩三色滋味醬」，食出四種唔同嘅芝味。第一步就係熟成芝味，透過法包、薯條及新鮮蔬菜蘸上芝士汁，突出芝士甘香嘅原味~
第二步就係滋味紅醬，即意大利番茄香草紅醬。將滋味紅醬倒入芝鍋，濃稠嘅醬汁將鍋底變成微橙紅色。酸甜開胃紅醬與香濃芝士汁混合，就可以充分帶出海鮮嘅鮮甜~
第三步就係滋味綠醬，即意大利香草綠醬，係由磨碎松子仁與香蒜及BASIL香草慢煮而成。香草嘅清新再加上微酸番茄味道，就可以更加豐富味道嘅層次，令肉味更加惹味~
最後一步就係滋味橙醬，就係磨碎蒜頭、辣椒、與巴馬臣芝士慢火烹調而成，再加入烤過嘅橙紅椒一同打混至滑身。依個時候嘅芝士鍋就集合了酸甜、清新、香辣三重滋味，依個醬汁用嚟配手造菠菜意大利麵，就係最夾呀~
聽左咁耐都真係聽到我心郁郁，不過未開始食之前就先嚟一杯薄荷冰涼特飲，超新濃嘅薄荷葉再上上青檸汁，真係好啱我口味呀~
先嚟前菜 - 法國康堤熟成芝士拼盤，以法國24個月康堤熟成芝士、意大利風乾火腿、蘇格蘭煙三文魚同埋鮮果~
真係極度推介依個24個月康堤熟成芝士，完全係成個前菜嘅焦點，講到依點我真係有點唔好意思，因為我密密食，食左好多粒，因為好味都唔停得口呀！
重頭節目終於都嚟到，我地嘅「極致黃金芝士火鍋」可以食啦~
好豐富嘅配料，紐西蘭牛肉丸、炭燒甜粟米、車厘茄、法包粒、北海道帶子(刺身級)、美國辣味燒烤腸、鮮白菌、脆薯條、意大利菠菜麵~
仲有紐西蘭特級肉眼~
幻彩三色滋味醬~
我唔客氣開餐啦，先嚟一個原味芝士，超香嘅芝士味再配上法包及粟米真係好好食，不過我個人就強列推介配薯條食，估唔到芝士同薯條一齊食係咁正呀~
之後我地就加入滋味紅醬，初時都好擔心個味會好怪怪，但估佢唔到個番茄香草加埋芝士又幾夾，兩者唔會搶大家嘅味，用嚟食帶子又真係特別鮮甜呀~
跟住我地就加香草綠醬食肉類，我個人就係最鐘意依個味，入口帶少少香草味，食落又有點點蕃茄味，所以特別吸引我呀~
最後就加埋橙醬食菠菜麵~
不過可能因為我地加完橙醬之後，店員為我地加添芝士汁，所以依個橙醬汁我地就試唔清個味呀~
最後食埋個蘋果片，清清個喉嚨就真係滿足晒呀~
今日真係極度滿足，我依個芝士控真係完全失控食唔停口，睇嚟我又肥多兩磅了。雖然真係極度邪惡，但又真心覺得好食，所以我應該會再嚟ENCORE，到時帶埋為食小小豬嚟齊齊食先得！
More Information：
Website：http://www.spaghettihouse.com/
Facebook：https://www.facebook.com/TheSpaghettiHouse
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言