【齊齊懶懶行】Gudetama Lazy Walk懶懶行2016

10 OCTOBER 2016(MON)

今日雖然係放假，不過我地就比平日返學更加早起，但又一啲都唔攰，因為期待咗好耐嘅懶懶行終於嚟到，三口子就齊齊興奮地嚟科學園，著住蛋黃哥衫就去搵蛋黃哥啦~

 

作為一個公仔控，蛋黃哥咁紅我緊係都會好鐘意，好鐘意佢懶洋洋個樣，望住都真係人都輕鬆啲。

今次仲係第一次舉行懶懶行Lazy Walk，加上嗰一套超可愛嘅跑衣(估唔到老公都肯著...哈哈哈)，真係令人十分期待！ 科學園我地成日都入嚟，今次兩蛋相遇，唔知會有幾好玩呢~

 

受我影響之下，再加上小小豬又好鐘跑步，所以佢都真係未出發就先興奮~

 

 依個小小豬一心打算嚟跑步，唔多肯同我影相，幾經辛苦先肯影一張，真係激C我呀~

 

由於我地係第一批參加者，所以可以參與開幕禮呀~

 

當然開幕禮嘅焦點就一定係蛋黃哥出場，睇住佢懶洋洋咁行出嚟，真係超級可愛呀~

 

簡單又隆重嘅開幕之後，就準備開跑啦~

 

開始前當要要做下熱身運動，所以大家就跟住學界冠軍呂麗瑤姐姐學跳蛋黃哥體操啦~

 

小小豬都好用心去跳，仲帶有一點唔知醜嘅跳法，企係佢後面真係覺得有點攪笑(唯一失敗就係當時DADDY去了洗手間，手機係DADDY手上，所以我拍唔到小小豬嘅傻舞姿俾大家睇呀...嗚嗚嗚)~

 

大家準備就緒，就開始出發啦~

 

等左咁耐，終於開始懶懶行，小小豬又點會唔興奮呀~

 

其實今次行程係由科學園開始，之後就沿白石角海濱長廊，再步入回科學園，全程大約2k左右。沿棄會有三個Check Point，等大家齊齊HEA住行。其實當初我都擔心因為颱台關係，會對今日活動有所影響，不過好在今日天氣勁好，有太陽伯伯陪住，又有少少風，所以HEA得唔太熱又舒服呀！

係未到第一個Check Point前，大會都準備左一個加油站，俾大家補充水份呀~

 

第一個Check Point就係「巨型梳乎蛋陣」，有好多巨型蛋蛋俾大家影相呀~

 

第二個Check Point就係「雞蛋仔石春路」~ 

 

小小豬行石春路係點？好啦...去片，佢好似完全唔當一件事哦~

小小豬的成長日誌（@kinsey_mama）

 

第三個Check Point就係「煙肉纏綿遊戲」，其實咪就係以煙肉造形嘅充氣彈床~

  

依個小小豬玩得不知幾開心，佢來來回回總共玩左三次呀~

小小豬的成長日誌（@kinsey_mama）

完全舒舒服服勁HEA咁就嚟終點啦~

 

完成左仲有金牌添~ 

 

小小豬話佢係拎到金牌，佢一定要企上去第一名位置哦~ 

 

懶懶行完就嚟HEA區休息下先~

 
其實今次除左懶懶行之外，仲有好多蛋黃哥攤位遊戲玩，啱晒依個懶玩豬仔呀！

兩父子齊齊砌蛋黃哥飽飽~

 

打蛋黃GOIF~ 

 

拋蛋黃彩虹~ 

 

仲有撈金蛋~

 

小小豬仲走左去整印水紙~ 

 

整完仲不停讚靚，唔准我洗走佢個印添~

 

有得玩仲可以有得食，有免費棉花糖~

 

其實仲有一個飛拖鞋，不過小小豬話冇小朋友拖鞋，所以唔玩哦~ 

 

最後緊係做我最鐘意嘅事，就係影相啦~ 

 
經過今次懶懶行，小小豬就更加愛上蛋黃哥，仲話叫我下次再帶佢嚟行/跑過。其實我又何嘗唔想呀，所以如果下年再有，可以的話都一定會帶小小豬再嚟過呀 ！

**我地的FACEBOOK PAGE，齊齊來交流親子。育兒。烹飪啦**