自家製Hansells乳酪

24 AUGUST 2015(MON)

夏天一到唔好話小朋友，就連我自己都好鐘意食雪糕...雪條，但成日食雪糕都好似唔係咁健康。不過早排比我發現到一款DIY 乳酪 -Hansells 乳酪系列，見介紹好似幾健康又易整，考慮左一陣就入手一份，返屋企同小小豬齊齊整啦~

其實DIY 乳酪比常見的杯裝即食乳酪更健康，始終比較新鮮同冇咁多添加劑、防腐劑。而且製作過程可以自我監控，確保食物安全之餘又可以因應個人喜好而調較口味。

整自家製乳酪最主要就係依部簡單箱仔，再利用原盒附送嘅密實盒就可以整到，仲可以選擇一次過整一大盒1KG嘅，或者整兩款各500G唔同味道，又真係幾方便哦~

小小豬第一時間就話要整佢至愛嘅士多啤梨味，將乳酪粉倒入密實盒內~

然後慢慢加凍水至1KG嘅線上面，由於要完全拌匀啲乳酪粉，所以建議用筷子分幾次嚟拌匀，咁會易好多呀~

完全拌匀啲乳酪粉之後，就可以蓋好蓋放入乳酪機內。同一時間需要將熱水加入至乳酪機內，係唔同嘅溫度下，加水嘅量都有唔同，可以依照水位標示來作提示。不過係一般情況下用Normal Climate就可以了~

放好晒就可以去覺覺豬，因為乳酪係需要利用12小時發酵，待發酵完成就食得呀~

依隻為食豬一起身就即刻去睇佢啲乳酪成唔成功啦~

睇見面層出現一層乳清，就即係可以食啦~

依個時候已經可以食，不過都係放入雪櫃雪凍先好味嘛~

嘩哈哈.....雪凍就有得食，製成品嘅乳酪放係雪櫃可以食一星期~

依隻為食豬都不知幾鐘意食，每次要食兩小杯先肯收手呀~

自己整乳酪個質感同平時買開嗰啲又真係差唔多，自己整感覺上又真係好似健康啲添~

除左除左乳酪機之外，我仲入手兩包 Fresh As 水果乾，原理係將生果水份係真空和極低溫度下抽走，讓大部份營養保留係乾果內。

小小豬對依包藍莓乾非常有興趣，仲食唔停口添~

緊係啦...平日冇得食薯片，依包果乾就係扮下薯片，過下佢個心癮啦~

不過對我嚟講都係鍾意加埋乳酪一齊食，口感都唔錯呀~

乳酪簡單又易整，雪櫃存放乳酪總比雪糕健康多啲啲，最重要係小小豬都鐘意食，所以等下次有特價時，一定再度入手，再同小小豬齊齊邊整邊食，又可以多一個親子活動，都唔錯呀！