細路佔領廚房日

12 SEPTEMBER 2015(SAT)

今日唔知大家有冇留意蘋果日報嘅網站呢？有冇留意到其中一則報導見到小小豬呢~

哈哈哈...早幾日得到蘋果日報果籽記者姐姐邀請，小小豬參與一個任務，就係去佔領廚房啦！

其實每年9月13日都係細路佔領廚房日（Kids Take Over The Kitchen Day），該節日由美國的兒童及青少年廚藝學院Young Chefs Academy（YCA）發起，鼓勵小朋友在這天為家人親自下廚。

其實當收到依個小任務時，我都15/16考慮左一陣，雖然一向都有同小小豬親子廚房，依家佢都可以話都幾叻仔，好多步驟講一次就可以去完成。不過....要係陌生人(雖然都曾經見過記者姐姐一次)面前整兼拍片，都好驚到時依隻百厭豬攪攪陣，整到一鑊泡就大件事。

不過細心想(老公又不停同我輔導)，我要對小小豬有信心先得，佢平日都做到，到時應該唔會有咩問題。再加上依種機會真係好難得，問小小豬佢又扮醒話：『冇問題啦...我會檀嘢食俾姐姐食』，所以就膽粗粗同小小豬接受小任務啦！

不過....答應左都有功夫做，就係要執下間屋，我地兩公婆就用左兩晚好勤力地大掃除。

今次小小豬整麵包PIZZA，其實都真係好簡單，所以基本上全程都係佢自己做，我只係事前教佢一次，整嘅時候係旁邊提小小。好在....成個過程都算順利，小小豬表現都叫幾好，製成品都唔錯呀~

哈哈哈...條片又真係幾攪笑呀~

http://hk.apple.nextmedia.com/realtime/supplement/20150912/54193554

經過今次嘅小任務，小小豬好似對整嘢食興趣又大左，成日都問我幾時再整嘢食，又會主動提意我整噂咩，最攪笑就係叫我係佢煮嘅時候拍片，之後播返俾佢睇....真係俾佢笑C呀！