大開腦界@Times Square

8 JULY 2015(WED)

出得嚟銅鑼灣，當然唔少得行一轉Times Square，因為又有得影相嘛~

其實今次Times Square係以迪士尼暑假推出嘅電影《玩轉腦朋友》為主題嘅大型展覽「大開腦界」，有電影中5位情緒專員及一啲場景俾大家影相。

其實係我上年參加迪士尼粉絲體驗EVENT時(按此重溫)，大會都有介紹依套電影，佢個題材都幾新鮮，所以都好期特。奈何今年暑假嗰一班黃色小子實在來勢洶洶，就連我小小豬都迷上了，應該較難會有FROZEN成績了！

可能有部分情緒專員嘅樣子又真係唔多吸引，但作為影相控加迪迪尼粉的我，當然係會支持，又嚟影...影....影啦~

除左係露天廣場之外，係Times Square大堂都仲有個小擺設，有齊5位情緒專員陪你影呀~

哈哈哈...五個入面我就最鐘意「阿愁」，直覺上又幾似我，又係鐘意咩都愁一餐~

依家迪士尼都可以同「阿愁」影相，等小小豬放暑假時，一定要搵日帶佢入園，希望可以去集郵啦！