永井豪珍藏基地@The ONE

10 JULY 2015(FRI)

今日係十號，即係小小豬又大一個月日子，剛好我地出左尖沙咀上興趣班，所以就上THE ONE影一轉相慶祝下啦(其實係有個MaMi搵藉口去影相...哈哈哈)~

THE ONE依個佈置係叫做永井豪珍藏基地，但其實....我只係識佢，係露天廣場嘅鐵甲萬能俠真係好大個，好有型呀~

嚟得依度又點止影露天廣場依一個，我地仲上埋去二樓慢慢影呀~

坦白講，我都真係完全冇睇過套卡通片，所以對依啲公仔都真係唔多識。如果唔係因為之前老公鐘意過鐵甲萬能俠(冇錯...係鐘意過，因為佢依家全部愛都俾晒小小豬嘛)，我想連佢都唔識呀！

不過啲佈置其實都做得好仔細，加上我依個影相控，所以又點可以唔影...影...影啦~

除左有佈置之外，場內仲有小店賣玩具同模型展覽~

小小豬仲好專心咁係度睇玩具添~

但.....依啲模型都係無底深潭嚟，仲要係因應佢成長仲越來越無底，所以睇一陣就引小小豬走，一定唔好俾愛上呀...哈哈哈！