Kinseymama's LIFE: 試用：EPS 深層潔膚啫喱霜 Deep Cleansing Gel

2015年7月27日星期一

15 JULY 2015(WED)

可以扮靚我諗冇一位女仕係會抗拒，多謝公關姐姐為我安排，今次可以扮下靚靚，因為有得試用EPS 深層潔膚啫喱霜呀~

其實我今次都係第一次聽EPS (Elene Professional System)依個品牌，原來佢都係始於法國1989年，而且大多數美容院都用佢地嘅品牌呀！

今次我試用嘅深層潔膚啫喱係以木瓜酵素為主要成分，另加入活性成分: 尿囊素，木瓜萃取，白柳萃取，甜菜鹼。其活性成份能深入毛孔，溶解污垢，改善毛乳閉塞，從而提升肌膚吸收能力及刺激更新。更能分解肌膚底層色素，均勻膚色，使肌膚更有活力而富有光澤~

開蓋位置有一個小小封口塞，每次用完之後蓋回，咁就會更加衛生啦~

啫喱霜看似有點厚身，但其實係非常容易推開~

EPS 深層潔膚啫喱霜係可以乾濕面都可以使用，只要於清潔臉，每次取大約HK$5大小的份量塗於臉頸~

之後就慢慢打圈按摩，大約輕按1-2分鐘，之後就會有一堆堆嘅好似擦子膠碎嘅物體，最後用溫水洗淨就可以啦~

我都差唔多用左大半成支，整體上我覺得都唔錯，用完面仔都好清爽，而且啲擦子膠碎都好易清洗，唔會痴係塊面度好難先去到，真係一抺就洗晒！

雖然係好用，不過始終去角質層產品都唔可以用太多，我就一星期兩次啦。只需要簡單幾個步驟就已經做好了深層清潔，之後再敷返個MASK，皮膚即刻靚返啲啲，我又近靚媽多一步啦！

品牌仲送多10支SAMPLE裝俾我，等我可以轉送俾我嘅朋友仔，有興趣嘅朋友仔快啲入去小小豬個FACEBOOK玩小遊戲啦~

產品及有關資料由柏麗代理有限公司提供

2015年7月27日星期一