試用：加護靈 Cleverin Gel

9 JULY 2015(THU)

早前得到公關姐姐安排，試用來自日本嘅空間除菌產品 - 加護靈 Cleverin Gel~

加護靈 Cleverin Gel係來自日本大幸藥品，成日都以為依個喇叭只係推出腸胃藥，但原來都有推出依除菌產品，而且佢更是日本 No.1空間除菌產品，並通過嚴格測試，所以絕對有信心及品質保證。

加護靈是採用日本專利技術，內含二氧化氯分子 (ClO2) 可抑制細菌及病毒；99.99% 對抗流感，更有效除臭、除霉菌、除甲醛、除蚊等功效，最好就係體積細細，而且無需電源，真係好方便呀！

一盒加護靈內附透明液體一瓶、一包銀色包裝嘅顆粒劑及藍色外蓋~

使用方法都係非簡單，首先先將顆粒劑全部倒入白色瓶中，無需攪拌，然後等大約10分鐘，變成淡黃色嘅凝膠狀，最後蓋上藍色外蓋，就可以啦~

放近鼻聞就會聞到有少少泳池水般嘅味，但其實如果唔刻意的話，都唔會覺得有啲特別味道。

細小嘅加護靈其實係可以放係客廳、洗手間、鞋櫃、寝室、辦公室甚至廚房近去水渠附近，不過最後我都係決定放係洗手間，因為總係覺得洗手間係濕濕笠笠咁，好似係最多菌嘅地方呀~

我地試用左差唔多兩星期左右，坦白講...我又好似感覺唔到有特別大嘅唔同，或者空氣依啲又真係唔可以一時三刻睇到。

不過，依家啲病菌傳播速度快，屋企擺放一下，買個安心都唔錯啦！

 

More information :
銷售點 :家居樂
- 灣仔大有廣場旗艦店 (灣仔港鐵A3出口)
- 將軍澳港鐵店 (將軍澳港鐵A1出口) - 沙田好運中心舖
網上購買：http://www.familyfun-eph.com/