豐富海鮮邊爐宴

4 DECEMBER 2012(TUE)

一踏入冬天，一定令人想起打邊爐，係咁凍嘅天氣拾吓拾吓咁食，真係幾爽呀！(其實.....我真係好鐘意打邊爐呀！)

入凍之後，我地都打過幾次邊爐，不過都係買啲普通食物。今日因為小豬媽約好晒屋企人返嚟，所以就整左個勁豐富嘅海鮮邊爐宴，等一家人開開心心食餐勁呀！

睇吓我地，幾多嘢食，成枱都係呀~

話明海鮮宴，當然係海鮮為主啦！

好鮮甜嘅象拔蚌~

好多膏嘅蟹~

大大粒嘅帶子~

大大隻嘅頼尿蝦同好鮮嘅甜蝦~


新鮮雞腸(不過依個我係唔食，反而其他屋企人勁愛呀~

好特別又可愛嘅公仔魚蛋，唔好睇佢得個樣，真係好好食呀~

小豬媽秘制豬肉及雞肉~

日本南瓜~

仲有啲魚肉同菜~

哈哈哈...係唔係好正呢？真係睇見到好想再食呀！

之前成日聽朋友仔講話用芝麻汁嚟點啲餸食好正，所以今日都專登買左一支嚟試，又真係幾好食，冇介紹錯哦~

今日我地嘅食物咁豐富，加上一定人圍埋一齊打邊爐感覺又好溫馨，所以真係好滿足呀！快啲再攪多一次咁正嘅邊爐宴就好啦！

**我的微博..關注吧**