迪迪尼。一人遊

3 DECEMBER 2012(MON)

話晒今日都叫做結婚周年紀念，所以都去吓街街慶祝一吓嘛！原本都想帶埋小小豬一齊去街，不過因為第二日小小豬又要早起身返學，為免佢唔夠瞓扭計，所以都唔帶佢，留底佢俾小豬媽照顧，我地兩口子去玩吓。

約左大肥豬放工係青衣等，見都只係搭多兩個站就可以入迪迪尼，所以我條引又嚟發作。就係咁我處理好小小豬食午飯、洗白白同埋瞓著午睡，我就早少少出門口，入迪迪尼行一轉，打算影吓啲聖誕版人物啦！

MICKEY個亭有個好大米奇頭佈置，好靚呀~

一入到去就差唔多巡遊，所以我就邊排隊邊睇巡遊啦~

等左半個鐘左右，MICKEY MINNIE出嚟啦~

不過影依張相都一肚氣，事緣我叫個職員幫我影兩張(打算有一張係補飛)，點知個職員都只係幫我影左一張，仲要係對唔到焦，真係激C我，白白浪費左我半個鐘排隊時間呀~

唔知係唔係平日關係，今日其他聖誕版嘅朋友都冇出嚟，真係勁失望呀！

冇公仔排隊影，就入SHOP行吓，見到好靚嘅米奇雪人呀~

行行吓見到有DUFFY，所以又去影影影。DUFFY真係好可愛呀~

之後路過影胡迪，TOYSTORYLAND開左咁耐，我都係第一次係度影呀~

行返出大街，就剛剛開始聖誕街頭SHOW~

之前就開始去排隊影薑餅人啦~

最後影埋依個小佈置，我就離開迪迪尼~

哈哈哈....我個標題係寫我一人遊，其實都只係上半場。因為我行行吓撞到好友CARMEN，所以之後我地就一齊行周圍影，仲俾我呃到兩張即影即有相添~

今日其實都只係短遊迪迪尼，等天氣好啲嘅時候，一定要帶小小豬入嚟再影過呀！

**我的微博..關注吧**