小獎品

5 DECEMBER 2011(MON)

早幾個月前，係FACEBOOK參加左一個由忽然1周舉辦嘅潮B‧Kids 模大賽，我地好幸運地係"潮Kids Family選舉"同"最可愛潮B選舉"，兩個比賽都可以入圍，成為20強呀~
 
入到20強原本可以去參加係數碼港嘅總決賽，因為決賽嗰日我要返工，所以最後都冇得去玩，依家諗起都覺得好可惜。

原本都冇左件事，但上星期收到主辦機構嘅E-MAIL，話我地冇去比賽都有兩份福袋小禮物送返俾我地。

有禮物當然唔執輸，所以今日就叫左大肥豬去拎返嚟啦~


哈哈…真係好大堆頭哦，雖然好似唔多同BB嘢有關，不過都幾啱用呀！

係咁多禮物入面，只有依一份唔多啱用($500 COUPON X 2)~


睇吓有朋友仔有興趣，如果有需要就俾低聯絡資料，等我寄俾你地啦。有著數唔好浪費嘛，不過個限期係12/2011，所以要快啲啦！