可憐的小小豬

20 DECEMBER 2011(TUE)

今日百厭嘅小小豬做咗業主，因為起左一層千二百尺豪宅呀~


睇佢喊得幾可憐，真係見到都心痛C呀~

不過堅強嘅小小豬嗲左小豬媽一陣之後，好快冇事，仲又重現佢個古靈精怪樣，只不過係多層豪宅係個額頭上~

點解小小豬會有依層豪宅，咪就係因為佢以為自己識得行，但又唔係自己行得唔係好穩陣，成日都急急腳咁。今次就因為想走入廚房搵小豬媽，就急急腳跣到，之後就成個頭撞落個地板，所以就攪成咁啦！

雖然見到小小豬個樣又真係好可憐，不過佢識行咁耐都到依家先撞成咁，都係比我預期中好好多啦！

學小豬爸話，小朋友唔跌親撞親，又點會識得長大，只要唔太影響，咁就唔就太擔心，依啲都係成長嘅見証呀！