逗自己開心

25 DECEMBER 2011(SUN)

之前分享左好幾份收到嘅聖誕禮物，不過其實我都為自己準備左禮物，當係逗吓自己開心。

哈哈哈....首先就係我個DUFFY依一套靚衫仔，仲好型仔添~

其實隻DUFFY係之前大肥豬買，不過就冇買衫仔俾DUFFY著。原本都打算入迪迪尼買衫仔，不過依個月都冇時間再入去買，感覺上冇衫著嘅DUFFY又冇好似冇咁可愛，所以就上YAHOO拍賣場睇，就係咁就BID左佢套靚衫返嚟。仲要時間剛剛好係平安夜收到，所以就當左係其中一份給自己的聖誕禮物啦！

另外一份就係紫色靚靚羽绒褸~

原本我係想買UNI嗰款薄羽絨，不過可能依排天氣實在太凍，所以好多都已經碼同色都已經冇晒，所以最後去左佐記買。依件雖然冇UNI咁薄，不過著上身都唔太腫，仲好暖添。