SHOPPING DAY

2 MAY 2011 (MON)

今日係最後一日假期，所以我地就約埋小豬媽一齊去MEGA BOX行吓街飲吓茶啦~

我地去左飲茶先，上次見有朋友仔去食點心放提，所以我地都去試 吓啦~

依啲都只係我地叫左一部分，因為有啲我就掛住食，唔記得影相。哈哈哈....整體上啲嘢都都幾好味，唯一唔好嘅就係出菜太慢呀！

之後我地就開始我地個SHOPPING活動啦！首先我地去行荷花，就係咁小豬媽就買左套洗白白玩具俾小小豬啦~

睇吓小小豬幾鐘意套玩具~

我地就向童裝出發啦！

之前買左對涼鞋仔俾小小豬做兒童節禮物。不過當時就貪心左啲啲買大左，所以就成日甩，攪到我唔敢俾佢著。今日行街街時見到對幾得意嘅涼鞋仔，雖然就貴左少少，不過都係買左佢俾小小豬著，等佢唔好成日出街冇鞋著咁醜怪呀~

繼續我地又去HALLMARK入貨，原本都只係諗住睇吓，點知就嚟大破財。依兩件係婆婆送嘅背心衫仔(婆婆話好鐘意個Bear Bear呀)~

我都唔執輸，買左一件長外套同埋兩件夾衣仔~

最後我地就去埋『THE BEST』，因為想買部攪拌器整果汁俾小小豬飲。揀左好耐，終於買左部細細嘅，方便擺係屋企嘛~

今日真係勁SHOPPING大出血，不過全部都係買俾小小豬嘅，我都唔肉痛，仲買得好開心添...哈哈哈！