為去沙灘做足準備

18 MAY 2011 (WED)

我地準備係端午節帶小小豬去游吓龍舟水，所以就買左件小蜜蜂泳衣仔，等小小豬游水時有得著。

之後經朋友仔提醒，原來我都未買水泡仔，所以就開始睇吓搵個靚款，襯留件小蜜蜂泳衣。

我都有去SHOPPING時睇過啲款，貴得嚟個款又真係好麻麻，所以最後都未買到。

剛好前排睇BABY KINDOM嘅時候，見有個媽媽介紹左佢係淘寶買左嘅戰利品，我見佢有一個麵包超人嘅船仔都好得意，所以我又淘左一個俾小小豬啦！

今日收到貨，個船仔又真係幾靚，既得意又夠色彩，只係對小小豬嚟講就大隻左少少，不過相信我地陪住佢玩，係唔會有問題呀~

 

除左淘左隻船仔之外，我仲淘左一套玩沙嘅玩具，依套真係勁抵，十六蚊人仔就有咁大個，個質素都唔係差，係香港又點得呀~

 

哈哈....依家買齊晒啲嘢，只係等待端午節嘅來臨，希望到時天氣好，小小豬又冇病冇痛，咁就可以俾玩個痛快啦！