我的母親節禮物

7 MAY 2011 (SAT)

聽日就係母親節，今年嘅母親節對我嚟講都可以話係幾重要，因為今年係第一次以媽咪身份過，所以我都係主角之一.....哈哈哈！

小小豬仲係細，仲未識得送禮物俾我，只要佢繼續乖乖咁冇病冇痛，快高長大，就係送俾我嘅最好禮物。

今日放工同大肥豬去SHOPPING時，大肥豬見我好鐘意件衫，但又知我因為貴貴地捨得買，所以就話買俾我當係代小小豬送俾我嘅母親節禮物。

哈哈...著左上身真係唔覺我肥，仲著得好SLIM添，勁鐘意呀~

另外仲有一份係我恨左好耐嘅影樓拍攝呀~

其實係因為早前經朋友通知，知道某團購有FACE嘅攝影套餐優惠，所以就同大肥豬商量，最終依一個就變成為我嘅母親郵禮物啦！

哈哈哈....雖然依個套餐都幾平，又冇嘅BB造型照，只係影普通生活照，不過對我嚟講都已經好滿足，因為可以去影一家三口嘅相，正係我所想要嘅嘢，我真係勁期待呀！