驚嚇之作

2 MAY 2011 (MON)

今日餵完小小豬食粥粥之後，唔知仲乜事，小小豬就攪成咁啦(希望此相片唔會令大家感到不安)~

嘩...一見小小豬嘔到成身都係，真係好驚...嚇C我啦！餵過咁多次粥粥，咁嘅情況都真係第一次，好在小豬媽係度，如果唔係都唔知點算呀！

小豬媽話可能我地俾多左啲啲俾小小豬食，所以攪到獲利回吐啦！不過小小豬嘔完之後完全冇喊過，仲好快就識笑添，咁我都冇咁驚，起碼唔係因為唔舒服嘛！

小豬媽真係好偉大，小小豬嘔成咁都抱到實一實，成身整到污垢晒都笑住叫小小豬乖乖，仲叫我地唔好嚇親小小豬添。

小豬媽真係勁錫小小豬呀！哈哈哈~~~