五個月啦

10 JANUARY 2011 (MON)

時間真係好過得好快，唔經唔覺小小豬就已經五個月人仔啦！

唔知係唔係小小豬都知道自己今日五個月大，一朝早起身好開心咁笑咪咪，開心到脷仔都伸埋出嚟，真係勁攪笑呀~

五個月嘅小小豬仲係一舊飯仔咁乜到唔識，依個懶惰豬仔幾時先識轉身呢？俾個藉口自己，唔同係天氣太凍著得多衫所以唔識轉？希望小小豬快啲學識啦，咁就好好玩啦...哈哈！

踏入五個月，就即代表小小豬越嚟越大個，所識嘅嘢就越嚟越多，真係要更加多照顧先得。因為依個階段係開始識認人，如果唔係到時唔認得我就大件事啦！