攪笑小王子

20 JANUARY 2011 (THU)

尋日帶小小豬去睇霍醫生之後，食左兩次藥同藥膏，小小豬塊面仔已經好返好多冇再紅腫，唔洗做一隻可憐豬仔啦！

雖然我都知濕疹係唔會斷尾，不過醫生話如果今次醫好左之後，繼續KEEP住咁做好啲補濕，咁就唔會再嚴重落去。

依個醫生我都覺得幾好，好似都幾夾到小小豬，所以如果冇乜問題，(TOUCH WOOD)第日小小豬有乜唔舒服，都會帶佢去霍醫生度睇呀！

前排因為小小豬個醜豬樣所以都冇乜點影相，小豬媽見今日好樣左啲啲，加上見小小豬拎住佢最鐘意玩嘅噹噹玩得咁開心，就影左啲相啦！

大家好，我係小小豬，依個就係我最鐘意嘅玩具，係最錫我嘅媽咪送俾我呀~

 

佢係我個寶貝嚟，所以我唔可以借俾你地玩呀~

依個噹噹真係好多用途呀....嗅又得~

咬又得~

『LAM』又得~

個噹噹真係好好玩，睇吓我...玩到流晒口水...哈哈~