坐少少啦

28 JANUARY 2011 (FRI)

一向同小小豬影相都係HIGH CHAIR或者訓係個地膠度，因為小小豬都仲未識坐只識訓係度，所以好多時個活動空間就得依兩個地方。

小豬媽話六個月嘅BB就開始識坐定定，雖然仲有成半個月先到六個月，不過今日小豬媽就開始教定小小豬啦。

初初教坐定定，所以就利用梳化及梳化邊的『L』角位，等小小豬左右都有的依靠練習吓。

係頭嗰幾次都係好似不倒翁左右瑤，試多幾次都可以叫做識識地，仲好開心咁同佢個『好朋友』玩添~

坐係度嘅小小豬好似唔同左樣，尤其擺啲古靈精怪樣時，真係冧C我呀~