第二次健康院

1 SEPTEMBER 2010 (WED)

今日再一次去健康院做檢查，主要都係見醫生睇吓黃疸指數。

係未見幫小小豬做任何檢查前，我就俾叫名去見姑娘。原來係我之前做產前時被抽樣做左個關於產後抑鬱嘅調查，今次就要做番個跟進部分。

做左一輪問卷同姑娘傾計之後，姑娘話會依據我嘅報告去評定我有冇產後抑鬱，如果有問題就會再打俾我再作進一步跟進。當然我知我一定冇問題，所以都唔擔心會收到電話。

我見完姑娘之後，就到小小豬去就磅重。經過一星期努力，小小豬已經有差唔多九磅，雖然唔算係好多，不過都好安心，起碼冇輕到嘛！

醫生先檢查黃疸指數，個數字都好理想，完全冇問題，又可以順利過一關。之後醫生睇番小小豬嘅磅數，都話好好，仲話小小豬係屬於中碼BB添。

下一次再去健康院就係滿月後去打針，聽到又令我擔心起上嚟，希望當日可以順順利利，小小豬打完針之後唔好有唔舒服或者發燒啦！