第一年中秋節

22 SEPTEMBER 2010 (WED)

每年中秋節都去奶奶屋企過節，不過今年就有少少唔同，因為多左小小豬同我地一齊過嘛！

上次奶奶嚟屋企探我地嘅時候，小小豬瞓左所以都冇影相，今次當然要幫小小豬同嫲嫲爺爺影相先啦~

食飽飽之後，我地就一家三口返屋企樓下公園行吓賞月，雖然就見唔到月光，不過既然係小小豬第一個中秋節，當然要帶埋佢感受吓氣氛啦！

唔好睇小小豬人仔細細，第一年過中秋就已經有兩個燈籠，一個係小豬爸送嘅兔仔燈籠，另一個就係LULU妹買嘅叮噹車仔燈籠，用嚟佈置部BB車幾好氣氛~

雖然有得玩，不過小小豬同平時一樣，一出街就覺覺豬，仲瞓得好冧添~

今年就我地幫小小豬玩住先，出年就可以自己玩，到時應該仲開心，小小豬可以周圍走啦！