解放

17 SEPTEMBER 2010 (FRI)

去院健康院檢查之後，我地就帶埋小小豬過海返小豬爸屋企整理啲文件。幫小豬爸做完嘢之後，我地就出左吉之島行街街，買左啲日用品俾小小豬。

行完街街之後，剛好到晚飯時間，所以就搵地方醫肚。諗左好耐，終於小豬媽同LULU妹引誘之下，我地最終決定左去元氣食壽司。

係成個懷孕過程都係入過壽司店一次，都只係食啲熟食嘢，所以我都真係好耐都冇食過壽司啦！

雖然坐完月可以話係一個解放，不過壽司始終都係唔敢食太多，只你食啲熟嘢，當然都有食幾件魚生壽司，真係忍唔到口，食兩件都應該冇問題...哈哈~

成餐飯小小豬都瞓，就連走嘅時候都係瞓得好甜。LULU妹見小小豬咁甜，所以就忍唔住幫我地影左張靚相，小小豬仲好似笑咪咪咁呀~