預祝的生日禮物

26 JULY 2010 (MON)

今日係七月二十六日，距離我生日仲有一個月，不過今日就已經收到本年度第一、二份生日禮物，兩份禮物都好鐘意，仲既驚喜又開心，因為冇諗過咁早就有禮物收嘛~

因為我返埋依個星期就開始放我大假連產假嘅假期，咁係我生日月就見唔到送禮物俾我同事，所以佢地就好有心咁提早送份禮物俾我，預早同我慶祝生日啦！

本年度第一份就係一支得意MARIE筆筆~

第二份就係一個好可愛嘅MARIE暖水袋，送禮者話好啱我生完小小豬之後用，又或者可以留俾小小豬當咕臣用呀~

哈哈...咁早就可以收到生日禮物，真係超級開心，仲感受到佢地對我嘅心意，因為真係冇諗過佢地會記得我生日，仲俾個驚喜我添！