洗衫仔

11 JULY 2010 (SUN)

今日天氣真係好好，不過冇得去街街，因為真係要乖乖留左係屋企，開始埋手整理小小豬啲衫仔啦！

成日都以為買得唔多嘢俾小小豬，不過當要整理需要洗嘅嘢時候，真係發現原來好多嘢都要洗..洗...洗，冇辦法啦..為左小小豬唔好受感染，所以全部小小豬用嘅嘢都要洗吓消毒呀！

經過一個下午嘅努力，終於洗左兩機BB衫，不過都只係洗左一部分，已經用盡屋企所有衫架啦~

計計埋埋應該仲有一機衫仔同埋兩機毛巾，仲有兩SET床仔圍欄未洗，要繼續努力先得呀~