我的低能湊B之道

24 JULY 2010 (SAT)

早前係地鐵廣告見到馬仔今年書展會出新書『我的低能湊B之道』，馬仔嘅書我都有買開，加上佢今次個題目又勁啱我，所以好想入書展買呀！

當然我都只係得個想，咁多人地方大肥豬又點會俾我去呀，所以就不停咁問身邊有冇人會入去幫我買。

終於係尋晚收到糖糖電話，原來糖糖媽咪尋日入左書展，仲幫我買到本『我的低能湊B之道』，嘩...真係勁開心，終於有得睇，不過就麻煩左AUNITE添，買書仲加送左個紙盒仔呀~

本書真係好攪笑，我一邊睇一邊笑出黎，都有幻想第日我湊小小豬時會唔會有依啲經歷。

唔只我，就連大肥豬都睇到哈哈大笑呀！