飛的回家

22 JULY 2010 (THU)

打唔成風都知道一定會落雨，不過真係冇諗過會落得咁利害，今日由下午開始都真係冇停過，仲要係落得好大嗰種，攪到都有少少擔心唔知放工點走好。

終於等到放工，我地見個雨勢好似細左啲啲，咁當然就即刻走人。

點知同糖糖行到一半，雨勢又開始大起上嚟，我地係半路等左一陣，諗住等細雨啲先再繼續行，但見個雨勢好似唔會細咁，所以最後我都係決定為安全起見，搭的士返屋企。

糖糖幫我截左部的士之後，我先車佢落地鐵站，之後我再返藍田。

嘩....成程車都唔洗二十分鐘，就要成百二蚊，好貴呀~

我返工咁耐都係第一次直接搭的士返屋企，不過落雨濕濕為安全起見，加上依家係非常時期，所以貴少少都要啦！