借屋一用

18 JUNE 2009 (THU)

今日係信箱收到封咁嘅信~

第一個感覺就係....好攪笑，點解香港電台寄到封信嚟問我地借屋拍嘢呢？

基本上都完全唔會考慮借屋拍攝，不過見信上有個聯絡電話，咁就八八卦卦打去問吓，睇吓係乜一回事。

原來係港台準備拍攝『毒海浮生』，需要住宅環境，所以就抽樣寄信邀請借屋拍節目。佢地會利用兩日進行拍攝工作，由中午拍到深夜，仲要配合佢地拍攝將屋企佈置改動一吓。

之前都已經冇興趣，聽完之後就更加諗到唔洗諗，雖然都會俾返少少借屋嘅拍攝費，不過都唔好攪，唔好攪亂我間屋呀！