好萊塢酒店 PART 1

31 MAY 2009 (SUN)

今日我同大肥豬去左一個好富貴嘅地方食LUNCH，哈哈...就係入去左迪迪尼好萊塢酒店食LUNCH BUFFET啦！

雖然依間酒店冇迪迪尼人物陪你一齊食，不過見有優惠，所以就叫大肥豬同我入去嘆吓。

雖然個佈置冇迪迪尼酒店嗰間咁靚，不過個環境都幾好。我一入餐廳就不停影..影...影，仲俾大肥豬話我掛住影唔食嘢添~

我地樣樣都試啲，仲有幾樣掛住食冇影相。我最欣賞嘅都係佢地啲甜品，尤其係個士多啤梨慕思，真係唔甜又好味呀~

我地邊食邊玩，慢慢食都飽飽咁離開，真係好開心又滿足呀~

其實一早預左LUNCH BUFFET唔會有太多嘢食，所以都唔係期望太高。不過就連三文魚壽司或者刺身都冇，就真係好似差左少少。

不過講真入去迪迪尼都係食個氣氛，依家百七蚊就可以入迪迪尼食BUFFET都算係咁，最緊要係開心嘛！