海洋公園(動物篇)

15 JUNE 2009 (MON)

睇完我地係海洋公園嘅靚相，又點少得啲可愛動物相呢？

首先就係一對熊貓，因為佳佳休息緊，所以就只有安安係度同大家見面。不過勁攪笑，就係幾分鐘佢就一次過表演左『大大』『小小』，仲好近距離係我面前食竹葉，好得意呀~

之後就去新嘅亞洲動物天地，係入館之前有一個鱷魚潭，有條鱷魚游緊，好恐怖呀~

一入到去就當然睇未見過嘅小紅貓，佢地真係好活潑跳嚟跳去，仲睇到佢地打交，不過因為我地係高處望落去，所以都睇得太清佢地個正面呀~

依條就係郁都唔郁嘅娃娃魚，唔係其他遊客講，我都見唔到佢，不過..個樣點解又係咁恐怖呀~

哈哈..終於見到樂樂盈盈啦，佢地真係好得意，雖然係訓緊，但都擺左個CUTE嘅POSE，真係好想抱抱佢~

接住就係去大肥豬最鐘意睇嘅金魚館，可能我地屋企都有養金魚關係，所以係依度逗留得最耐，同影得最多相。

依度最多嘅魚仔就係同我養嘅係同類，都係蘭壽，當然依度嗰啲品種同出生都名貴過我地嗰啲好幾百倍~

行完亞洲動物天地，我地就向另一邊玩，就冇乜點影動物。不過啲熊貓同小紅貓真係好得意，如果可以行埋去同佢地近距離影相就好啦。(發夢中..哈哈)