踏入奇妙一刻

28 JUNE 2009 (SUN)

今日下午見冇乜野做，大肥豬就話出九龍灣去宜家行吓，所以我地就出發啦！

知道MEGA BOX有史迪仔活動，所以見去開德福，就搭埋個穿梭巴過去影吓相。

一入到去，就見到貓王史迪仔等緊你啦~

不過.....好唔好彩，原來樂基兒去左做開幕儀式，所以封左L5嗰個史迪仔佈置。冇得影相，所以我地就周圍行吓睇吓野。

就係依個時候，我地行到樂園售票處，見到個職員加上知道夏天又有優惠，所以我地諗到唔諗，即場買左兩張ONE DAY PASS啦~

買左兩張OPEN DAY PASS，佢地仲送左兩把自動迪迪尼傘仔俾我地，都抵啦~

哈哈....雖然係買OPEN DAY PASS，不過佢地又有兩日票，大肥豬就即時話加多$100同我入多次呀~

買完飛就同紙版史迪仔影住先，好快就可以入去同公仔版影啦~

之後我地就落左去地下扭蛋場影相啦~

今次真係影得唔夠暢快，如果有機會再捉大肥豬去影多次相先得。

哈哈....其實大肥豬講左話等七月放大假時同我入迪迪尼時已經好開心，依家買埋飛就仲高興。當知道會加$100再入一次，就仲興奮，抵呀...計番都係二百幾蚊一次呀。

雖然我係勁鐘意入迪迪尼，但都要考慮吓大肥豬感受，一兩次佢就開心，冇理由迫佢成日陪我入去嘛，所以暫時唔考慮再買AP。等佢地興建好下一期，我先再買AP成日去啦，起碼多新野玩，唔會悶親大肥豬嘛！

依家個有PASS在手，個心真係飛左入迪迪尼啦.....哈哈~