遊遊濕地公園

13 JUNE 2009 (SAT)

講左去濕地公園已經好耐，不過都未一路都去唔成，不過終於都係今日可以成事啦！哈哈~~講起都有啲OUT，開左咁耐，今日先係第一次去。

講真...由屋企出發，又真係遠左少少。我地由搭巴士再轉輕鐵，足足用左個幾鐘先去到目的地，真係搭車都搭到個人吽晒。

終於都到目的地。我地第一個目的地就係睇綠海龜，睇嘅時候我係諗緊迪迪尼卡通人物阿古，因為真係好似呀..哈哈(有人又迪迪尼上身啦)~

睇完海龜，涼完冷氣，我地就向室外進發。第一時間當然去探吓就係睇吓貝貝啦，不過好失望....貝貝瞓左係度郁都唔郁，直至我哋行完成個公園回程時，佢嘅姿勢都係一樣，唉..仲乜貝貝咁懶惰呀~

之後我地就邊行邊影相，嗰度都有好多地方好適合影相呀~

整體上都幾好，個公園真係好有大自然FEEL，周圍都係綠色植物，都幾舒服。不過可以係天氣比較悶熱關係，我地行到一半就已經好攰，要行番去遊客中心入面間餐廳休息吓先可以繼續呀！