之前係訂左嘅襟花、手花，今日終於都拎左啦！
首先當然講吓我兩個花球，由於我會用番之前影結婚相嗰兩個花球，所以就叫左訂花球位姐姐幫我執執。今日睇番又真係好似新嘅一樣，好靚呀！
特別係茶花依個，我想特別少少，就加左少少羽毛同珍珠，真係成個感覺都好唔同，靚好多呀！真係好鐘意依個呀，所以大肥豬就會拎住依個花球嚟接新娘啦！
依個就係另一個蕙蘭花球，姐姐再加左少少襯花，感覺上好似大左少少，都好鐘意依個呀！所以打算留係酒樓影相用啦！
另外，我仲幫大肥豬訂多左一個襟花，等佢敬酒時可以用。因為大肥豬成日都係著一套禮服，訂多一個咁就好似有多少少變化嘛！
依盒就係其他兄弟姊妹、四大長老用嘅襟花手花，都好靚呀！
真係開心，又完成左一樣野啦！
我們的婚網~~ http://www.darizi.com/hk/blog/yanyan_hinghing/
沒有留言:
發佈留言