又要開始做FACIAL

話說係我影完上次結婚相之後，就冇再去美容院俾人做FACIAL啦！

我都有買D一盒二盒嘅面膜自己都有係屋企整，不過都唔知點解整極真有好多粒粒。自己又衰手多，好鬼鐘意攪嗰D粒粒，整到成日都流血，有好多印，所以我都冇晒辨法，加上五月尾又要去影結婚相，都係要去幫襯番之前嗰間美容院先得啦~

尋日放工就走左去做FACIAL，唔知係唔係耐冇做呢，佢幫我清黑頭嘅時候真係好痛，好整左好耐....FACIAL姐姐話我D黑頭好深，好難清，仲叫我要忍痛呀！我為左要靚靚都只好死忍啦！

我足足係間美容院訓左成兩個鐘先走得呀！哈~~又幾好訓哦！

做完個FACIAL，塊面真係好左好多，起碼好似滑左又冇咁多粒粒！依家希望可以KEEP去做，等我又可以變番一個皮膚好好嘅靚女先得！

所以話...原來依D錢真係要俾人賺先得嫁！唔怪得之有人話女人錢係最容易賺。我都係要係其他嘢洗少D補番條數，唔好成日俾大肥豬話我成日亂洗錢呀！