話咁快就放完假

真係話咁快就放完五日假，真係有D好唔捨得呀！依家返緊工都好似係度遊雲…冇乜心機做野…點算好~~~真係要快D收拾心情先得啦！

之前諗可以趁依個假期可以訓餐飽，同狂煲碟。點知…日日都要一早起身，之後要到夜晚返到屋企…真係仲忙過返工呀！ 雖然係好忙，但依幾日都真係幾開心呀！

不過...唔知點解，平日要返工嗰時，明知已經夠鐘都唔願起身，都要懶吓床先安樂，就算梳洗都好唔清醒。但放假呢...到差唔多八、九點就自動自覺起左身，仲要好精神唔想訓。

我諗我都係一個怪人...有得訓就唔願訓，唔訓得就要訓！