又去揀衫衫

一早就約左嘉汶表妹去睇伴娘衫，好在今日個頭冇咁痛，所以照去啦！其實係我自己都想去改過件晚裝同婚紗呀！

首先講吓嘉汶表妹先，佢揀左一件紫色嘅伴娘衫，都幾靚呀，簡單得嚟又好青春。不過...佢叫我唔好POST上嚟，所以大家要遲D先有得睇啦！

講吓我件婚紗先，其實我都好鐘意之前嗰件，因為我都比較喜歡一D公主FEEL嘅衫，但嗰件又真係幾太累聚，加上我應該會係婚姻註冊處註冊，嗰度地方又唔係大，著以前嗰件一家好麻煩。所以經過考慮之後，決定轉左佢....依家選依件我覺得都幾好呀！著起又好似影得我條腰瘦D，簡單得嚟又隆重，佢仲閃閃地，影相應該會幾SHARP。

之後我又再選晚裝啦！有好多姊妹都覺得我之前選第一件晚裝唔得，其實我自己都覺呀，不過媽咪成日想我著件中國FEEL嘅晚裝，所以就揀左嗰件啦！

好在個個BLOG友仔都話嗰件唔好，所以媽咪都叫我再選個另一件啦！今次我都係選左一件較中國款，條頸又有少少花款都好似幾好呀！其實我覺得依件衫個LOOK可以同掛LOOK差唔多，到時只係轉衫就得，可以唔洗點換妝同頭，可以快D，慳D時間嘛！

有好多朋友仔都叫我試吓一D直身款晚裝，不過...我真係好肥，真係唔敢俾大家睇呀！所以最係都係選左D紗型衫啦！

站定會係咁先啦，到十月先再去睇吓有冇新款啦！