大嶼山之旅

今日原本就係陪大肥豬屋企入去東涌探其中一位哥哥，同佢地飲茶行吓.....突然變左大佛一天遊，真係攪笑呀！

當我地飲茶途中，唔知點知講講吓話搭昇平360，後來又講話去大佛行吓，佢地越講越興奮，所以就決定左出發啦！但嗰吓真係有少少驚呀~~因為我平身有少少怕高，加上之前對360都唔係有咁多信心，不過大家都話試，唯有硬著頭皮去啦！

好在...有太多人排隊，要排成兩個幾鐘先有位，所以大家都決定改搭巴士去大佛啦！

去到大佛，大肥豬其中一個姪仔(2歲多少少)就全程同我地玩，又拖住我，又俾我抱。佢真係好得意，隻眼又大，我地都叫佢做大眼仔呀！

講起大眼仔，真係唔可以唔俾個叻佢呀！佢行上同行落大佛嗰條長樓梯全程都係拖住我自己行，唔洗人抱，我行都一半都要停吓抖吓，佢完全唔洗，仲叫我快D！小朋友真係好氣力啦！

 

去完大佛，就去市集行吓，之後就打算搭360走。不過，買唔到飛呀，所以最後都係搭巴士走！

好在買唔到呀....因為返工屋企先知昇平360又出事，又有一批遊容被困...好果我地買到票，我諗其中一個車箱會係我地呀！真係好彩呀！

今日都幾好玩，最衰就係冇帶相機，冇得影好多靚相。不過...好似搭左成日車，有少少辛苦...不過都玩得好開心！可能同BB玩會令到個人都會好開心！