愛心早餐蛋

尋晚同契嫂食飯嗰時講起減肥，佢話原來用麵包做早餐係最肥呀！(因為佢曾經試過睇醫生減肥，所以佢知道。)之後就話醫生話最健康嘅減肥早餐就係蛋，最好就係白恰蛋.....佢有講過原因俾我知，不過我唔記得左呀！

平日我都係以白麵包做早餐，聽完都有D怕肥..所以同媽咪講話不如試吓啦！

點知....今日一早起身就係廚房見到有三個白恰蛋。

見到嗰時真係好開心又感動.....因為尋晚我地好夜先返屋企，今朝媽咪又要一早起身準備去旅行(搭7:30船~~好早呀！)，仲可以抽時間整蛋蛋俾我食....真係好開心呀！

我食左兩隻做早餐，真係好好味~~依家留番一隻今晚食埋佢。

等媽咪去完旅行番嚟，真係要錫啖佢先得。