【試用分享】Esse Cocoa Exfoliator 可可磨砂膏

4 APRIL 2019 (THU)

扮靚靚就每位媽媽都想(我當然都係啦)，今次有機會試用來自南非嘅可可磨砂膏，真係啱晒，因為護膚係要去角質同深層清潔開始，打好個底咁就已經係做靚媽嘅第一步啦~

可可磨砂膏適合任何皮膚類型，可以去除雜質同埋死皮細胞。含有豐富嘅可可成份，有助將皮膚變得柔軟和光滑，同時亦有助血液循環，改善並使皮膚更明亮~ 

老實講，我自己都比較怕用磨砂產品，因為好怕遇到粗粗嘅粒粒，咁按摩時面部皮膚就會有點痛。不過ESSE可可磨砂膏就含細微蔗糖顆粒同埋可可顆粒，細細粒又可溶解，咁就唔怕會整痛自己啦！

同一般磨砂膏唔同嘅係，佢含有微細嘅可可粒子，就連咀唇位置都可以磨埋，所以一個唔小心食左啲磨砂都唔洗怕啦~

用嘅時候仲有巧克力嘅香味，感覺都幾得意呀~

用法都係好簡單，我就每星期用兩次(冇法啦...自己皮膚多暗粒，所以唯有勤力少少)，用大約五蚊銀嘅磨砂膏份量，再加入幾滴水，然係用畫圈方式係面上按摩約1分鐘，待磨砂粒子溶解之後就再沖乾淨~

我用左之後覺得都唔錯，最重要係用左之後皮膚唔會乾乾的(仲幾舒服添)，而且用左第二次開始就明顯覺得皮膚滑左啲啲又白左啲啲，而且我依啲敏感性皮膚都冇任何過敏或泛紅現象，所以都真心覺得好用，已經列入我回購之選啦！

More information：

Website：https://www.esseskincare.com/

Facebook：https://www.facebook.com/esseskincareHK/