【特式下午茶】食得滿足的1號冰室

1 APRIL 2019 (MON)

今日下午約左兩個朋友去紅磡探新生BB，咁做完嘢就緊係要搵嘢食，所以就齊齊去搵食，其中一位朋友講帶我去附近新開嘅間冰室，咁有新嘢就緊係嚟試下啦~

門口個招牌都好吸引哦~

地方都幾新淨，藍色主調再入少少香港特色，環境都好舒適哦~

嚟食下午茶就緊係食佢啲特式嘢，我依個黑松露炒蛋多士真係可以話係有驚喜，佢啲黑松露醬真係多到呢，個炒蛋又滑加上黑松露又香，所以唔錯...值得推介~

朋友C就嚟左一個呑蛋多士，聽個名就好攪笑，一切開流心蛋就勁吸引，吸满蛋汁嘅多士再配上芝士呑拿魚，每一啖都充滿驚喜，大滿足~

朋友K就嚟一個花生醬金磚四角，佢細細件唔洗切，又幾方便。最吸引就係金磚四角係好油，加上又用左粗粒花生醬，所以入口有口感之仲好香口~ 

不得不提佢地嘅服務都好好，點菜..上菜都好快，店員仲好細心主動拎啲額外碟仔俾我地分享食物用。 

見佢地餐牌個晚餐個籠仔飯都好吸引，等我下次帶埋小小豬嚟試下個晚飯小菜先！