【創意DIY】木製門牌親子工作坊

6 APRIL 2019 (SAT)

話就小小豬新年嘅時候就學習利用鐳射切割方式去整一個賀年糖果盒，嗰次之後佢對鐳射切割打印都有多點認識，仲成日問我幾時可以再去學整其他新玩意。

終於機會嚟啦，Inno Space知創空間舉辦左『KNOCK KNOCK』DIY木製門牌親子工作坊」，可以自己一手一腳設計獨一無二嘅木製門牌嚟佈置屋企，小小豬就緊係要嚟攪攪陣啦~

自小小豬知道佢可以嚟整DIY木製門牌時，佢都不知幾興奮，係嚟嘅途中都已經不停講想點整...點設計，一副超級期待嘅心情。

聽左哥哥講解製作步驟之後，佢就開始密密畫啦~

第一步就係要自己設計門牌上面嘅圖案~

原來小小豬想用中文字，不過哥哥話如果啲字太複習，切割嘅時候就會有點困難，做出嚟就會冇咁靚。一聽到冇咁靚小小豬就即刻乖乖改左用英文，不過仍然係要劃上三隻豬仔，佢話咁先係代表佢哦~

初稿已經完成，都叫做唔錯啦，依然係小小豬一向畫畫作風，多字少圖，佢仍然仲係好怕畫畫，唔知點先可以令佢愛上畫圖畫呢....唉！(不過佢唔抗拒我都算，唯有慢慢嚟啦)

依三隻豬仔唔好以為最細隻係代表佢，佢話門牌放係佢自己房間，咁最大隻豬仔就係代表佢，真係.....都唔知佢係咩理論~

之後就可以請哥哥幫忙，將圖畫SCAN入電腦~

之後就可以將木板放入鐳射切割機進行第一個打印底板步驟，係依個時候負責叔叔就會簡單講解製作當中所涉及STEM原理~

睇住啲字係木板上打印出嚟，其實都幾治癒...哈哈哈~

鐳射打印個底板就完成~

接住就到鐳射切割字體出嚟~

原來簡單容易嘅字切割出嚟真係靚啲，同埋都真係幾清楚呀~

字母切割好晒之後，就可以做最後一個步驟啦~

將一粒粒字母貼係底板上就大功告成~

有個小朋友非常滿意自己嘅作品，一返到屋企就要排係自己嘅小天地~

一切由零開始，一步步依步驟去完成個製成品，係製作過程又學到啲新知識，最重要係可以訓練下小小豬專注力同僅有嘅創意，所以我自己都好鐘意同佢嚟參加依啲工作坊。

不過....最重要係當見到製成品(尤其係咁靚嘅)，嗰一個滿足感唔好話小小豬，就連我都覺得好正呀！

嚟緊星期六仲有一個工作坊舉行，有與趣朋友仔可以到以去官方網址睇下活動詳情(適合8歲或以上小朋友參加)。


More Information：
Website：https://www.hkpcacademy.org Facebook：https://www.facebook.com/hkinnospace