【預祝母親節】我愛日韓台自助晚餐@皇家太平洋酒店

28 APRIL 2019 (SUN)

母親節又係一個外出食好啲嘅藉口，今日我地就應邀嚟到皇家太平洋酒店柏景餐廳，體驗以我愛日韓台為主題嘅自助晚餐之餘，仲率先試食一系列以意大利天然有機蜂蜜入饌嘅母親節精選菜式添！

為食豬一聽到去食自助餐都不知幾興奮，一早就嚟到餐廳，佢話要食好多...好多..好多好味食物呀~

一入座就收到小禮物，只要係母親節當日惠顧自助晚餐，每枱就可以獲贈APIVITA愛心母親節抗氧蜂膠禮盒一份啦~

先嚟睇下自助晚餐有咩食先，佢地嘅精選冰鎮海鮮種類都好多，長腳蟹、凍蝦、螺、小龍蝦、青口~

我同老公就對龍蝦同蟹鉗就最愛不措手，啖啖鮮甜肉超好味，而且佢地都回得好快，所以每次去都一定夾到呀~

當然唔少得壽司同刺食，絕對要同大家推介大大隻嘅牡丹蝦鮮，鮮甜得嚟又夠彈牙，真係食唔停口。小小豬知我鐘意食，佢一有時間就幫我出去拎，來來回回都幫我去拎左好幾轉，大大話話我都食左十隻呀...哈哈哈~

日式冷麵種類都有三種，小小豬話白雪雪嘅就係最好食~

沙律種類都有好多，而且都有日韓台特式添~

當然唔少得冷盤啦~

仲有即煮紅燒牛肉麵，有得自選配搭就晒啱小小豬~

 仲有點心籠仔~

熱葷種類真係比我預期中多，而且味道都唔錯。我自己就最鐘意韓式泡菜白汁焗龍蝦、日式蜆煲、扒香草羊架、三椒炒象拔蚌、賽螃蟹...完全係食唔停口呀~

小小豬就最鐘意食精選燒烤同埋慢烤原條牛肉眼(好明顯佢係大愛燒烤香口嘢啦)~

Yummy...Yummy...我地開大餐啦~

我地進食期間就為我地送上一系列母親節精選菜式，先嚟火炙和牛壽司、海膽壽司、鮮鮑魚壽司，小小豬對火炙和牛壽司讚口不絕，仲一口食晒兩舊添~

紅菜頭鮮橙沙律配蜜糖香草乳酪汁(有機橙花蜂蜜)，紅菜頭我就成日用嚟煲湯，原來佢當沙律食又幾得哦，再加埋青蘋果同埋有機橙花蜂蜜，食左真係特別開胃呀~ 

柚子蜜脆炸蝦球(有機橙花蜂蜜)，蝦球脆口又彈牙加再埋甜蜜柚子蜜一齊食，依個老公大讚，佢仲一個人差唔多KO一碟~

火焰石燒美國和牛伴泡菜及日本花菇，老公話個和牛係有入口即溶嘅感覺，而且加埋泡菜一齊食，個口感都幾特別呀~

堂煎鵝肝配海鮮竹筒糯米飯，依個絕對係我個人強烈推介，煎香嘅鵝肝入口都滑身，而且完全冇油膩感覺，個糯米飯入面都好足料添~ 

小小豬一行到去飲品吧就最開心，因為依度係無限添飲，除左有汽水同橙汁任飲之外、仲有台式芝士奶蓋鐵、五青汁、排毒水果水、就連夏枯草都有得飲，真係啱晒唔同人口味呀~

聽朋友講佢地嘅甜品係好得，叫我一定要留肚食，估唔到又真係唔錯，種類多之餘味就仲唔錯，珍珠奶茶奶凍、清酒啫喱伴青梅、伯爵茶朱古力蛋糕....係我個人心水推介，一定要試呀~

當然唔少得生果、芝麻糊、豆腐花、朱古力噴泉、自製班戟、蛇蛇糖......~

估唔到連老婆餅都有，而且仲幾好食添~

小小豬全日至愛就當然係Movenpick雪糕~

仲可以任選配料，依隻為食豬又點會唔心動呀~

之後就送上最後一款有母親節精選菜式，機蜜糖香焗蜂蜜蘋果玫瑰酥 (有機森林蜂蜜)，單睇外貌就知係吸睛之選，以薄薄嘅蘋果片做成玫瑰花，再配底部嘅酥餅同埋中間嘅忌廉，真係鬆脆好食呀~

咁靚嘅甜品就當然係要影相打卡呃LIKE啦~

今晚真係食得超飽飽，三口子超滿足，小小豬更加食到肚仔脹卜卜，有一刻真係擔心佢利回吐添。

食飽飽之後老公就帶我地出去餐廳外面嘅露台睇夜景，原來依個位望住個海，又吹吹海風，都真係好舒服呀~

More information：
Website： www.royalpacific.com.hk
Facebook：https://www.facebook.com/RoyalPacificHotel/

甜蜜母親節自助餐
日期：2019月5月11日及12日
自助午餐(中午12時至下午2時30分) 成人HK$438，小童HK$298
自助晚餐(晚上6時至9時30分) 成人HK$688，小童HK$438

現凡最少一天前於網上訂座及繳付全費，可高自助午餐或晚餐高達65折優惠。 

網上訂座：http://bit.ly/2L17eEX