【預祝母親節】我愛日韓台自助晚餐@皇家太平洋酒店

28 APRIL 2019 (SUN)

母親節又係一個外出食好啲嘅藉口，今日我地就應邀嚟到皇家太平洋酒店柏景餐廳，體驗以我愛日韓台為主題嘅自助晚餐之餘，仲率先試食一系列以意大利天然有機蜂蜜入饌嘅母親節精選菜式添！

為食豬一聽到去食自助餐都不知幾興奮，一早就嚟到餐廳，佢話要食好多...好多..好多好味食物呀~

【提高免疫力】羊肚菌合掌瓜紅蘿蔔豬骨湯

26 APRIL 2019 (FRI)

復活節假期真係日日都出去玩，難得今日乖乖係屋企，所以都要煮個靚飯，煲個正湯先得。

之前聽好多媽媽朋友話羊肚菌係好有益處又好處多多，咁我就緊係又入手買嚟煲俾兩位老細飲。其實網上都有好多羊肚菌嘅湯水食譜，不過始終都係第一次煲，唔知個味道係點樣，所以就保險啲加埋合掌瓜同紅蘿蔔一齊煲，咁就有益得嚟又好飲啦~

【落雨都可以大放電】ZENSES充氣彈彈慈善競技賽@親子王國 x D·PARK

20 April 2019 (SAT)

難得復活節放假，但依幾日天氣又唔好，落雨都唔知去邊好？留係室內又想大放電，不如好似小小豬咁，去親子王國 x D·PARK《ZENSES充氣彈彈慈善競技賽》嚟個充氣彈彈彈大放電啦~

【清熱解毒】魚翅瓜螺片雞腳湯

15 APRIL 2019 (MON)

飄忽嘅天氣又令到小小豬個濕疹壞朋友又嚟探佢，仲要起係塊面上，真係....唉，唔想佢食藥就不停同佢內外兼備，不停搽CREAM又煲竹蔗水俾佢飲。

今日行過街市見到有魚翅瓜，咁佢又有清熱解毒嘅功效，所以就買粒返嚟煲魚翅瓜螺片雞腳湯，等三口子有靚湯飲之餘，又等小小豬飲左可以清下佢體內嘅毒，趕走佢啲壞朋友~

【大鄉里食大餐】休閒半自助晚餐@Marbling

12 APRIL 2019 (FRI)

今日約埋兩位姨姨帶小小豬去食半自助餐，就係咁依隻小小豬又嚟問題少年上身，由出門口就問到去目的地「咩係半自助晚餐？」。哈哈哈...唔好問咁多，總之有得食大餐就得啦~

【試用分享】JOY-IN K-1 超強益生群

10 APRIL 2019 (WED)

益生菌有助增加腸道益菌，抑制殲滅腸道惡菌，打造健康腸道。今次有機會試用來自日本嘅JOY-IN K-1 超強益生群，唔知對我依啲成日唔鐘意飲水(我指係清水)，又沒有養成固定排便時間嘅繁忙人仕有冇幫助呢~

【創意DIY】木製門牌親子工作坊

6 APRIL 2019 (SAT)

話就小小豬新年嘅時候就學習利用鐳射切割方式去整一個賀年糖果盒，嗰次之後佢對鐳射切割打印都有多點認識，仲成日問我幾時可以再去學整其他新玩意。

終於機會嚟啦，Inno Space知創空間舉辦左『KNOCK KNOCK』DIY木製門牌親子工作坊」，可以自己一手一腳設計獨一無二嘅木製門牌嚟佈置屋企，小小豬就緊係要嚟攪攪陣啦~

【HAPPY BUFFET TIME】味歷東瀛自助晚餐@港島太平洋酒店

5 APRIL 2019 (FRI)

小小豬近期愛上食自助餐，緊係啦....可以自己揀佢鐘意食嘅嘢，又可以唔洗坐定定係餐廳內行來行去，絕對係佢最鐘嘅事。

見港島太平洋酒店嘅自助餐換左以日式為主題嘅「味歷東瀛」，復活節假期冇得外遊日本，咁就嚟食一個豐富自助餐感受下日本氣氛嚟止下癮啦~

【試用分享】Esse Cocoa Exfoliator 可可磨砂膏

4 APRIL 2019 (THU)

扮靚靚就每位媽媽都想(我當然都係啦)，今次有機會試用來自南非嘅可可磨砂膏，真係啱晒，因為護膚係要去角質同深層清潔開始，打好個底咁就已經係做靚媽嘅第一步啦~

【補益肺氣】虎乳靈芝川貝鱷魚肉湯

2 APRIL 2019 (TUE)

依排我同小小豬條氣管都唔係幾順暢兼有幾聲乾咳，應該又係轉天氣嘅影響，醒起早前有朋友仔介紹左依個可以補益肺氣同埋提高免疫力嘅湯水俾我，剛好屋企又齊晒虎乳靈芝、川貝同埋鱷魚肉依幾種主要材料，咁就快快手煲嚟等三口子齊齊補補佢啦~

【特式下午茶】食得滿足的1號冰室

1 APRIL 2019 (MON)

今日下午約左兩個朋友去紅磡探新生BB，咁做完嘢就緊係要搵嘢食，所以就齊齊去搵食，其中一位朋友講帶我去附近新開嘅間冰室，咁有新嘢就緊係嚟試下啦~