有得打保齡球、食自助餐、參加工作坊,仲有一系列嘅表演同小朋友互動遊戲時間,只係聽到覺得好節目非常豐富,咁就當然要帶小小豬嚟親身體驗一下,玩過痛快啦~
今次就嚟西貢嘅Tikitiki Bowling Bar,佢地每個月都會有唔同嘅主題,我地就係嚟參大加South Pacific 南太平洋派對~
南太平洋派對就即係打保齡球、食自助餐同埋參加工作坊,我地第一個活動就係先玩保齡球。
心急去玩嘅小小豬就當然係即刻去換對保齡球鞋先~
保齡球場附有動物滑動輔助,咁小朋友就可以輕輕鬆鬆咁玩啦~
不得不提下佢啲發光保齡樽,真係好靚好有FEEL~
有得玩嘅小小豬就當然係最開心~
基本上佢就全程不停玩,一球接一球完全唔洗休息咁。不過經佢密密打之後,有幾次仲打全中,仲不停讚自己叻仔添(真係好一個自戀的豬)~
話咁快就玩左一小時保齡,小小豬話一啲都唔攰,要繼續再玩過添~
我地下一個節目就係去參加工作坊,自己設計一頂靚靚水手帽~
有導師幫助之下,小小豬都好快手就諗好佢個帽嘅設計~
佢真係已經代入左自己係一隻係豬仔,連帽嘅設計都要加個"PIG"....哈哈哈~
佢地嘅食物都好豐富,頭盤、沙律、熟食、湯類同甜品都一應俱全,而且味道都唔錯呀~
我就最鐘意小朋友甜品區嘅食物,因為每一款嘅造型都好可愛,見到即刻想食晒佢呀~
小小豬開心密密食,佢話食得好滿足~
邊食仲有卡通朋友嚟同我地玩呀~
係我地進餐期間,仲有LIVE BAND表演~
小小豬睇得投入,仲被邀請上台齊齊JAM添~
仲有同其他小朋友齊齊跳舞~
接住仲有雜技表演~
之後一班小朋友仲齊齊去玩遊戲,最後當然係皆大歡喜,每個小朋友都有一份小禮物啦~
正當我地打算離開之際,雜技哥哥出嚟為各小朋友大送扭扭氣球,咁小小豬就當然又要玩多一轉先肯離開啦~
More Information:
Facebook:https://www.facebook.com/TikitikiBowlingBar/
沒有留言:
發佈留言