【尋找合適粉底】COVERMARK專門店體驗

14 JANUARY 2019 (MON)

話說我平日用開嘅粉底都差唔多用完，係時候又要再去入貨，聽朋友仔介紹COVERMARK嘅粉底都唔錯，所以今日就嚟到九龍灣店睇下有冇啱心水啦~

老實講，平日我都真係幾怕入專門店買嘢，一嚟好怕店員姐姐話我麻煩(因為我對化妝真係唔係太識，成日都問題少婦咁不停問，二嚟好驚自己耳仔軟，聽姐姐介紹多幾樣就買晒佢，但其實又唔係有需要嘅，所以平日我一直都係用開嗰幾樣，用晒就托朋友去日本旅行時代購。

用開嗰隻唔係話唔好，只係可能自己年紀開始大，用落皮膚好似乾乾地唔夠貼，所以就心思思想換過另一個品牌，睇下會唔會好啲啲(唉.....年紀大就真係唔到你唔信)。剛好同朋友傾開，佢話用開COVERMARK嘅粉底都唔錯，最重要係話佢地嘅姐姐唔會黑面同HARD SELL，所以就嚟八卦八卦一下，睇下有冇嘢啱啦！

一入到店鋪真係睇到我花多眼亂，只係粉底佢地都有好多選擇，我嘅選擇恐懼症又發作啦~

店員姐姐見到我滿面迷惘就走嚟幫我，問晒我想要咩要求條件，就幫我搵啱我皮膚嘅粉底~

其實我都幾麻煩，要上面個色自然，又要可以遮到啲暗印，最重要就係用起上嚟方便。店員姐姐細心咁聽晒我嘅要求之後，分析左我嘅皮膚質素，又好詳細講解幫我揀選粉底嘅特性，最後就幫我揀左FLAWLESS FIT系列，仲即時係我手背上一步步教我點用~

接住就幫我試係面上，睇下邊一隻色係最啱我。姐姐先用卸妝油幫我清潔皮膚，再塗上保濕乳液及Base打底，做齊全套護膚過程先同我試粉底，真係好貼心呀！

係同我試色嘅同時，店員姐姐仲教我遮瑕化妝嘅技巧，咁就可以化個精精神神嘅底妝啦~

試過又真係覺得唔錯，個粉底好貼面得嚟又帶少少潤，最好就係可以遮到我啲印印的嚟又唔會好厚，所以最後都決定入手啦~

姐姐仲幫我裝埋入去個粉底盒添~

係我臨走時姐姐仲教多我一個小秘訣，就係想個粉撲耐用啲，每次用完用卸妝水去洗，咁就可以長用長有啦~

原來除左粉底，COVERMARK新出嘅唇膏色都好靚，睇到我都心心眼~

姐姐仲幫我試晒咁多顏色添，不過屋企仲有好多唇膏，所以都係唔入手住，留返下次啦(真係唔好意思麻煩到姐姐，好在佢都唔介意我攪攪陣)~

整體上感覺都真係唔錯，令我對入專門店大有改觀，下次我諗都會再去返依間店，再搵姐姐介紹過先得！

More Information：
Website: http://www.covermark.com.hk/zh/
Facebook: https://www.facebook.com/COVERMARKHK