8 FEBRUARY 2018(THU)
話說我地第一日開幕時都有嚟玩(按此重溫),因為當日小小豬身體狀態麻麻,所以我地玩左一陣就要走,都有點未夠喉。原本打算之後嘅聖誕新年假期嚟玩,不過嗰排又天氣勁凍,都係唔好博,一陣吹病左仲大件事。
最後終於等到好天氣好時候,趁放農曆新年假期就嚟玩一轉啦~
所以依個時候就要靜態少少,玩下推位遊戲休息一下啦!
由日玩到夜....今次小小豬真係可以話完全盡慶,基本上玩得嘅遊戲都玩晒,好在小小豬夠高自己玩,咁都可以慳左陪玩嗰份。不過我銀包就大出血了。難得一次就冇計啦,唯有好老土地諗....佢快樂所以我快樂啦!
小小豬今次好叻仔,玩攤位遊戲嬴到幾個公仔,真係冇乜幾可(哈哈),雖然啲公仔就...........,不過佢都當寶咁好好收藏,話係佢嘅努力成果。
我地離開AIA時,見旁邊嘅摩天輪都唔洗點排隊,所以就即刻買飛坐摩天輪睇中環夜景。三口子$50遊三個圈大約15分鐘,都OK抵啦,實不相瞞....我地大鄉里都係第一次搭依個摩天輪呀!
最後終於等到好天氣好時候,趁放農曆新年假期就嚟玩一轉啦~
可能上次係第一日開幕關係,所以都有好多小朋友機動遊戲都好似未準備好,所以可以玩嘅都唔多。但今次嚟小小豬就發達了,因為開左好多唔同嘅機動遊戲,有啲仲係新出,上次嚟都唔見呀!
行左一轉之後,小小豬就已經搵到佢嘅目標,就係依個彈彈床呀~
行左一轉之後,小小豬就已經搵到佢嘅目標,就係依個彈彈床呀~
係個彈床上佢都不知幾享受,彈得都不知幾高,不過....玩完落嚟話好攰哦(緊係攰啦,邊個叫你咁用力彈...哈哈哈)~
之後佢就玩BB版碰碰車,上次因為唔夠高,所以只係企定定望住SY哥哥玩,今次終於可以玩啦(咁其實係小小豬突然高左,定係大會SET低左個高度限制呢。不過唔理咁多,最緊要係有得玩嘛)~
見到MICKEY車仔又話要玩一轉~
場內都有好多唔同嘅影相位,上次因為不有狀態,所以都冇同小小豬影。今日佢嘅狀態超好,當然都影下啦~
依個大瞻豬仲話唔洗我陪,佢自己一個玩蟲蟲過山車添~
玩左幾個機動遊戲之後,就玩下攤位遊戲,小小豬玩依個碌波波仲嬴到份小獎品添~
見到架LEGO飛機又話要飛一轉~
仲有依個升空飛機都話要玩~
仲有依個BB版轉轉韆鞦,不過玩完小小豬即刻面青口唇白,佢話有少少頭暈哦。緊係啦....連玩三個轉轉轉遊戲,我睇見佢玩都暈啦....哈哈哈~
小小豬就最鐘意玩依個釣魚遊戲,因為都幾易中獎,我都玩左三次都嬴到獎品呀~
仲有依個碌波波都易玩,小小豬又嬴到獎品啦~
之後又渣轉車王添~
撐船仔係要自己撐嘅,小小豬猶豫左好耐,最後都話要撐返一轉。不過...玩完就話勁攰哦...哈哈哈~
見到TOHMAS火車又要坐一轉~
仲有得騎馬仔添~
我地行過有一個平行車嘅推廣攤位,最好就係....免費,咁我地就緊係玩返一轉啦~
我地仲見到單車好手黃金寶,當然唔放過同佢合照機會,唔知小小豬有冇機會好似哥哥咁叻仔呢~
平日唔多鐘意玩旋轉木馬嘅小小豬,今日竟然又話要玩~
場內仲有氣球姐姐扭扭氣球添~
最後仲有三個代幣,就等我玩埋依個拋波波啦(嗱...今次係我嬴到呀...呵呵呵)~
小小豬今次好叻仔,玩攤位遊戲嬴到幾個公仔,真係冇乜幾可(哈哈),雖然啲公仔就...........,不過佢都當寶咁好好收藏,話係佢嘅努力成果。
~~~同場加映~~~
沒有留言:
發佈留言