【小廚師出動】輕輕鬆鬆煎糕糕

4 FEBRUARY 2018(SUN)

今日小小豬又化身成為小廚師，用BRUNO煎蘿蔔糕，為新年作好準備呀~

其實今次係因為富豪酒店同Bruno合作推出限量《富豪至尊賀年糕點 X Bruno多功能電熱鍋 親子樂禮盒》，超開心品牌送左一SET俾我同小小豬，等我地可以齊齊親子入廚，係新年親友嚟拜年時，可以齊齊煎糕糕，唔洗我一個人悶悶地躲係廚房不停煎呀~

仲係我最鐘意嘅紫色大爐，真係超愛呀~

一見到啲蘿蔔糕小小豬就已經為食豬上身，要即刻開工煎嚟糕糕。話時話....啲蘿蔔糕又幾足料哦~~

小小豬都唔係玩玩下，佢真係好認真咁好煎呀~

用BRUNO嘅好處就係冇乜油煙(咁唔多唔少都有少少啦)，同埋唔用明火得嚟都可以煎得幾好，所以真係好啱小朋友用呀(當然....一定要大人陪同啦)~

係我唔洗點幫手之下，小小豬終於煎好晒啲蘿蔔糕，慶幸佢啲蘿蔔糕仲係一舊舊完整嘅，都俾個叻佢啦~

自己煎嘅蘿蔔糕真係特別好食，小小豬又嚟掃左大半碟啦~

經過今次小試牛刀煎糕糕，小小豬話佢已經準備好，新年親友嚟拜年時，就由佢就負責做小廚師，煎糕點同埋整章魚小丸子俾大家食呀(唔知…..各位親友聽完會唔會即刻唔敢嚟拜年呢…哈哈哈)~

More Information :
限量《富豪至尊賀年糕點 X Bruno多功能電熱鍋 親子樂禮盒》
BRUNO Compact Hot Plate 多功能電熱鍋 ＋ 富豪酒店賀年糕點禮盒 優惠價$1,238(原價 $1,386)
BRUNO Hot Plate Grande多功能電熱鍋 ＋ 富豪酒店賀年糕點禮盒 優惠價$1,738(原價 $1,886)

想知道更多套裝詳情，請到 https://goo.gl/ezmSXC